Tez-tez verilən suallar

• Tədris proqramlarına qəbul prosesi necə həyata keçirilir?

  Mərkəzimizə müraciət edən namizədlər üçün fərdi yanaşma tətbiq olunur və qəbul prosesi əsas üç mərhələdə həyata keçirilir. İlk öncə, proqram konsultantlarımız namizədin karyera hədəflərini və maraqlarını müzakirə edərək onun üçün ən perspektivli texnologiya sahəsini müəyyənləşdirir. Ardınca, seçilmiş sahəyə uyğunluğu dəqiqləşdirmək məqsədilə bilik testi və ya uyğunluq müsahibəsi keçirilir; nəticələr proqrama uyğun olmadıqda, namizədin potensialına daha uyğun gələn alternativ ixtisas təklif edilir. Nəhayət, namizədin tədrisə uyğunluğu təsdiqləndikdən sonra tədris cədvəli və ödəniş şərtləri dəqiqləşdirilir, müqavilə imzalanır və rəsmi qeydiyyat prosesi tamamlanır.

• Təlimlər onlayn, yoxsa əyani keçirilir?

  Texnoera Akademiyasında tədrisin əsası keyfiyyətin və praktiki təcrübənin artırılması məqsədilə əyani (fiziki iştirakla) təlim formatına əsaslanır. Lakin biz tələbələrimizin ehtiyaclarını nəzərə alaraaq, tədris prosesində dərslərdə iştirak edə bilmədikdə onlayn qoşulmaq üçün lazımi şəraiti yaradırıq. Əlavə olaraq, tələbələrə ixtisaslaşdıqları sahədən asılı olaraq, dərs materiallarını və mövzuları təkrarlamaq məqsədilə dərslərin video yazılarına (recordlarına) giriş imkanı da təqdim olunur.

• Hər kəs tədris proqramına qoşula bilərmi?

  Tədris proqramlarına qoşulmaq üçün namizədlərdən hər hansı bir sahə üzrə təhsil dərəcəsi tələb edilmir. Əsas tələbimiz öyrənməyə həvəsli olmaqdır. Lakin tədris materiallarını tam mənimsəmək və prosesə effektiv qoşulmaq üçün müəyyən səviyyədə İngilis dili bilikləri (texnoloji resurslara görə) və kompüterlə işləmə bacarıqları zəruridir. Bu tələblər təlimin uğurla tamamlanması üçün baza rolunu oynayır.

• Kursların müddəti nə qədərdir?

  Təlimlərin müddəti tədris proqramından asılı olaraq 4 aydan 7 ayadək dəyişir. Hər bir kursun səhifəsində dəqiq müddət göstərilir.

• Tədrisin ödəniş şərtləri və güzəştlər mövcuddurmu?

  Bəli, biz tələbələrimizə ödənişi hissə-hissə ödəmə imkanı (daxili kredit və ya partnyor banklar vasitəsilə) təklif edirik. Bundan əlavə, tələbələr, məzunlar və ya qrup şəklində müraciət edənlər üçün xüsusi güzəşt kampaniyaları tətbiq olunur.

• Tədrisi bitirdikdən sonra hansı sənəd verilir?

  Tədrisi uğurla tamamlayan məzunlara Texnoera Academy-nin daxili və beynəlxalq standartlara cavab verən "Dərəcəli Diplom" təqdim edilir. Bu diplom biliklərinizin rəsmi təsdiqidir.

• Mərkəziniz məzunlara iş tapmaqda hansı dəstəyi göstərir?

  Biz yalnız tədrislə məhdudlaşmırıq. Karyera mərkəzimiz tərəfindən məzunlarımıza CV və portfolionun hazırlanması, müsahibələrə hazırlıq və partnyor şirkətlərə birbaşa referans (kadr yönləndirilməsi) xidmətləri göstərilir. Məzunlarımızın 73%-dən çoxu məhz bu dəstək sayəsində işlə təmin olunmuşdur.